Besige Bytjie Akademie is in 2020 gestig met een droom - om ’n kleuterskool te skep waar kinders werklik gelukkig kan wees en waar ouers elke dag volkome gemoedsrus ervaar. As ouers self het ons verstaan hoe groot dit is om jou kind aan iemand anders toe te vertrou. Daarom het ons besluit om anders te wees: ’n plek waar liefde, veiligheid en kwaliteit altyd eerste kom.

​

By Besige Bytjie Akademie is elke kind vir ons belangrik. Ons glo dat die eerste paar jaar van ’n kind se lewe die belangrikste fondasie bou, en daarom skep ons ’n omgewing waar kinders veilig voel, geliefd voel en die vryheid het om nog regtig kind te wees. Met ruim klaskamers, veilige speelareas en opgeleide personeel wat elke dag met passie werk, gee ons vir elke kleinding die beste geleentheid om te groei, te leer en selfvertroue te ontwikkel.

​

Ons is meer as net ’n kleuterskool - ons is ’n tweede huis waar kinders met opgewondenheid arriveer en met glimlagte huis toe gaan. By Besige Bytjie Akademie weet ouers hul kinders is nie net in goeie hande nie, maar in liefdevolle hande.